Nagapadayon subong nga nakaapekto sa panahon ang Tropical depression Ada sa pila ka parte sang Visayas at Mindanao, suno sang Philippine Atmospheric, Geophysical and Astronomical Services Administration (PAGASA).
Dugang pa sang PAGASA sini lang aga sang Miyerkules, si Tropical Depression Ada ara na sa 635 km. silangan sang Hinatuan, Surigao del Sur kag nagapadayon padulong sa may bandang northwest sa 35 kph.
Gilayon nga magdala si Ada sang mabaskog nga hangin sa mga lugar nga ginpaidalom sa Tropical Cyclone Wind Signal No. 1 partikular na sa Northern Samar, Samar, Eastern Samar, Dinagat Islands, Surigao del Norte, kag Surigao del Sur.
Magadala man inin sang maulan nga panahon sa mga probinsya sang Eastern Samar, Dinagat Islands, Surigao del Norte kag Surigao del Sur hasta sa Huwebes.
Suno pa ni Forecaster Benison Estareja, maga-landfall si Ada sa Eastern Visayas sa Biyernes ukon Sabado. Kag magasaylo sa Catanduanes sa Sabado ukon Dominggo.
“Ada will not directly affect Cebu, but its outerbands would probably cause rains across Central Visayas over the weekend,” dugang pa ni Estareja.
Si Ada ang pinaka-una nga tropical cyclone nga nagtupa sa Pilipinas sa tuig 2026.