Arestado ang isang tricycle driver at isa pang kasama nito sa isinagawang buy-bust operation ng mga operatiba ng Calbayog CPS at Station Drug Enforcement Team sa Brgy Aguit-itan, Calbayog City noong Marso 25, 2023.
Nakilala ang mga naaresto na sina Rolando Sidmanao alyas “Allan”, 42 taong gulang, tricycle driver, residente ng Purok 4 Brgy Bagacay at Clark Paulino, 36 taong gulang, welder at nakatira sa Purok 12 San Policarpio.
Narekober sa possession ng mga suspek ang anim na pirasong sachets na naglalaman ng pinaghihinalaang shabu na may tinatayang timbang na mahigit kumulang 0.5 grams at nagkakahalaga ng Php2,000, isang Php500bill bilang buy-bust money, isang itim na coin purse, isang unit ng keypad cellphone, mga barya at isang unit ng motorsiklo.
Samantala, dinala ang mga suspek sa Calbayog CPS para sa documentation at tamang disposisyon.
Mahaharap ang mga suspek sa paglabag sa RA 9165 o Comprehensive Dangerous Drugs Act of 2002.