Timbog ang Top 5 Most Wanted Person ng Dumaguete City sa magkatuwang na operasyon ng mga tauhan ng Criminal Investigation and Detection Group Negros Oriental Provincial Field Unit at Dumaguete City Police Station sa Barangay Poblacion 7, Dumaguete City, Negros Oriental noong Septyembre 5, 2022.
Kinilala ang naaresto na si Helbert Abdulbaki Rahio, 39, residente ng Barangay Bolocboloc, Sibulan, Negros Oriental.
Ang matagumpay na pagkakaaresto ng akusado ay bunga ng isang araw na pagpapatupad ng kampanya ng PNP laban sa mga wanted person na tinawag na “Oplan Pagtugis”.
Naaresto si Rahio sa bisa ng warrant of arrest sa paglabag sa Sec 5 at 11 ng RA 9165 na inisyu ni Hon. Michael Maglasang Mernado Jr, Judge, sa Regional Trial Court Branch 36, Dumaguete City.
Ang akusado ay kasalukuyang nakapiit sa CIDG-Nopfu stockade para sa tamang disposisyon.