Nalab-ot na ang full capacity sang sanitary landfill sang ciudad sang Bacolod nga nahamtang sa Barangay Felisa.
Ini ang nahisayran ni Mayor-elect Albee Benitez nga personal nagbisita sa sanitary landfill. Suno kay Benitez, nagareklamo na ang mga residente sa lugar bangud sang malain nga bahu kag spillage ukon tagas sa ila nga suba.
Sa pagpakighinun-anon sang incoming Bacolod City mayor kay Punong Barangay Ramon Jardin, ginpahayag sang kapitan nga sa pihak nga malapad pa ang kadutaan sa Felisa, wala na sang mga developers nga interesado sa pag-invest bangud sang presensiya sang landfill kag sang gubaon nga dalan padulong sa lugar.
Ang private garbage hauler sang ciudad nga IPM Construction and Development Corporation ang magapasa sang proposal kay Benitez para sa pag-review kag konsultasyon sa mga pumuluyo kun ini viable nga solusyon sa problema sa basurahan.
Ginkumpirmar ni Benitez nga magluwas sa IPM, madamo na sang proposals nga ginapadala sa iya kag lunsay ang mga ini nagatanyag sang solusyon sa problema sang Bacolod sa basura.
Source: RMN DYHB Bacolod 747
