Iloilo City- Ginkondenar sang mga katapo sang Sambayanan Party List ang rebelde kag teroristang grupo nga Communist Party of the Philippines-New People’s Army-National Democratic Front ukon CPP-NPA-NDF sa ginpatigayon nga Solidarity walk kagaena, Hunyo 30, 2022 sa Sunburst Park sa ciudad sang Iloilo.
Ini ang ginpahayag sa mga panawagan sang mga nag-ululupod sa hilikuton, nga suportahan ang bag-o nga administrasyon para sa kalambuan sang pungsod sa umalabot pa nga anum (6) ka tuig.
Gani nagapanawagan ang grupo sa publiko nga indi na gid magpa-into kag magpatunto sa sala kag baliko nga ideolohiya sang teroristang CPP-NPA-NDF.
Dugang pa sang grupo nga ang bandidong CPP-NPA-NDF ang tuod nga rason sang mga madamo nga insidente sang krimen kag iligal nga mga aktibidad sa bilog Rehiyon VI.
Isa na sini ang pag-ambush sang aton mga kapulisan sa banwa sang La Castellana sa Negros Occidental kag iban pa nga mga pagpanghalit kag pagpanggamo sa bilog nga rehiyon.
