Ginhingadlan bilang MVP ang tumandok sang Brgy. Sto. Niño Sur, Arevalo, Iloilo City kag team captain sang NU Women’s Volleyball, si Princess Robles pagkatapos nga ginlutos ang DLSU sa game 2 sang 84 UAAP Women’s Volleyball Finals nga ginhiwat sa Mall of Asia Arena.
Daku ang nangin kontribusyon sang anay miyembro sang CPU Golden Lions high school volleyball team sa finals kon sa diin nagrehistro ini sang 12 points sa iya 12 ka mga attacks, 2 ka aces kag isa ka block kalakip ang apat ka digs sa game 1 sang ila hampang.
Sa game 2 ang 5’3” nga si Robles ang may 6 points sa apat ka mga attacks, isa ka block, isa ka ace,15 ka excellent digs kag six excellent receptions.
Para kay Robles nagbunga ang ila sakripisyo sa training kag nakuha nila ang kampeonato pagkatapos sang 65 ka-tuig.
Upod ni Robles sa NU ang anay miyembro man sang CPU Golden Lions high school kag college volleyball team nga si Pearl An Denura sang Dumangas, Iloilo.
Source: DYRI 774 Iloilo