Isang ordinaryo nga tawag para sa bulig ang nangin kahigayunan sang pagbulig kag kaisog para sa isa ka opisyal sang PNP. Sini lang Hunyo 7, 2026, mga alas-4:45 sang hapon, si PSSg Charlotte D. Delerio halin sa Sagay Component City Police Station nagbaton sang madali nga hangyo nga may kalabutan sa isa ka busong nga iloy nga nagapadulong sa ospital tungod sang grabe nga kasakit sa iya nga tiyan.
Samtang nagapadulong, nag-sugod na sa proseso sang labor ang amo nga iloy kag nanganak sa kalsada sa Sitio Tilapas, Barangay Rafaela Barrera, Sagay City, Negros Occidental. Sa wala sang pagduha-duha, nag-aksiyon dayon si PSSg Delerio kag naghatag sang bulig, iya ginsiguro ang seguridad kag pag-atipan sa nanay kag sa iya nga lapsag antes pa nakalab-ot ang medikal nga bulig.
Ang iya madali nga aksyon, kag dedikasyon sa serbisyo nagapakita sang matuod nga kahulugan sang serbisyo publiko ang pagprotekta sang kabuhi sa tanan nga tion.
Ang ginbuhat ni PSSg Charlotte D. Delerio nagapahinumdum sa aton nga ang mga bayani indi lang makita sa mga balita kundi sa mga matuod nga sitwasyon nga ang matag segundo importante.
Ang maayo nga serbisyo sang PNP nagpamatood nga bisan ano nga sitwasyon, handa sila nga magsakripisyo kag magbulig, bisan sa mga oras nga wala ginapaabot.