Arestado ang isang 34-anyos na lalaki dahil sa umano’y pagtitinda ng droga sa Sombria Road, Barangay Lawaan 1, Talisay City, Cebu nitong Sabado ng gabi, Hunyo 18, 2022.
Kinilala ni Police Lieutenant Elwood Ebona, hepe ng Drug Enforcement Unit ng Talisay City Police Station, ang suspek na si Lyndon Ylanan Rongasan, tubong Barangay Sta Ana, Metro Manila at kasalukuyang naninirahan sa kahabaan ng Saint Jude Street, Barangay Hipodromo, Cebu City, Cebu.
Ayon kay PLt Ebona, tagumpay nilang isinagawa ang buy-bust operation laban kay Rongasan sa pakikipag-ugnayan sa Philippine Drug Enforcement Agency (PDEA) Central Visayas, bandang 10:16 ng hapon.
Aniya, nakalista ang suspek bilang high-value individual (HVI).
Narekober sa suspek ang dalawang malalaking pakete at anim na plastic sachet na naglalaman ng hinihinalang shabu, Php1,000 marked money, at iba pang mga drug paraphernalia.
Dagdag pa ni Ebona na ang buy-bust operation ay alinsunod sa Oplan Limpyo Talisay at ng Synchronized Enhanced Managing Police Operations/Simultaneous Anti-Criminality Law Enforcement Operations na nagresulta sa pagkakaaresto ng nasabing drug personality at pagkakakumpiska ng tinatayang tatlong kilo ng shabu na may standard drug price na Php20,400,000.00.
Nahaharap ang suspek sa kasong paglabag sa Section 5 at Section 11, ng Article II ng Republic Act 9165 o Comprehensive Dangerous Drugs Act of 2002.
Source | https://www.sunstar.com.ph/article/1932408/cebu/local-news/high-value-individual-nabbed-p204-m-shabu-seized