Sinabi ni Pangulong Ferdinand R. Marcos Jr. na tatapusin ang programa sa pamamahagi ng lupa sa loob ng kanyang termino upang matupad ang 30-taong pangako ng pagbibigay sa mga magsasaka ng sarili nilang lupa.
Nanguna ang Pangulo sa pamamahagi ng 5,438 titulo sa Tacloban City Convention Center noong Lunes, Mayo 20, 2024 at tinitiyak niyang matutupad ang pangako ng repormang agraryo sa buong bansa.
Ang Department of Agrarian Reform (DAR) ay namahagi ng mahigit 15,000 ektarya ng lupa sa mahigit 9,000 benepisyaryo sa buong bansa ngayong taon.
Ang layunin ay makapagbigay ng higit sa 20,000 ektarya ng lupa bago matapos ang taon.
“Kaya naman inatasan ko at sinabihan ko ang Department of Agrarian Reform para ipatupad ang kanilang mga programa tulad ng Project SPLIT o Support to Parcelization of Lands for Individual Titling upang maibigay na agad ang lupa sa lahat ng kwalipikadong benepisyaryo”, ani Marcos.
Pinapabilis ng SPLIT Project ang subdivision ng mga CLOA na nagbibigay ng mga indibidwal na titulo ng lupa sa mga agrarian reform beneficiaries (ARBs) na dati nang pinagkalooban ng lupa sa pamamagitan ng collective ownership.
Sa Eastern Visayas, humigit-kumulang 5,906 ARB ang nakikinabang sa programang ito, na nagpapahiwatig ng pangako ng gobyerno na tiyaking matatanggap ng mga magsasaka ang legal na pagmamay-ari ng lupang kanilang binubungkal.
Ang mga titulong ipinamahagi dito ay sumasaklaw sa 7,914 ektarya ng mga lupain sa ilang bayan sa mga lalawigan ng Leyte, Biliran, Southern Leyte, Western Samar, Eastern Samar, at Northern Samar.
Sa 5,438 na titulo ng lupa, 5,400 ay electronic titles na inisyu sa ilalim ng SPLIT, at 38 ay certificates of landownership award (CLOAs) sa ilalim ng Comprehensive Agrarian Reform Program (CARP).
“Para sa nakakarami sa inyo, ito ang katuparan ng inyong matagal nang pangarap – Ang pangarap na nakapangalan at nakarehistro na sa inyo ang titulo ng lupa na idineklara ng ilang dekada pa sa inyo na dapat alagaan at para sa inyong pagsaka. Ang pangarap na paunlarin ang kalupaan upang magkaroon ng sagana at magandang ani (Para sa marami sa inyo, ito ang katuparan ng matagal mo nang pangarap – ang pangarap na magkaroon ng titulo ng lupa na ipinangalan sa iyo at mairehistro sa iyong pangalan pagkatapos ideklara para sa ilang dekada para alagaan mo at para sa iyong pagsasaka),” the President said.
Naging emosyonal si Domingo Padao, 79, ng Igang Village sa Calubian, Leyte na natapos na ang 23 taong paghihintay para sa kanyang indibidwal na titulo ng lupa.
“I am very happy that land is legally mine. Sa tulong ng aking mga anak, magagawa kong mas produktibo ang lupaing ito,” aniya.
Sa naturang aktibidad, namahagi din ang Pangulo ng Php509.45 million worth of support services interventions sa mga organisasyon at komunidad ng ARB tulad ng farm-to-market roads, PBBM bridges (Pang-Agrayong Tulay para sa Bagong Bayanihan ng mga Magsasaka), irrigation projects at makinarya ng sakahan.
Humigit-kumulang Php350 milyong halaga ng farm-to-market roads ang nai-turn over din sa mga bayan ng Leyte, Eastern Samar, at Southern Leyte.
Apat na proyekto ng tulay na nagkakahalaga ng Php78.172 milyon, ang itinurn-over sa Southern Leyte, Calbayog City, at Eastern Samar.
Nasa Php71 milyon, na binubuo ng apat na pasilidad ng patubig ang ipinagkatiwala sa mga lalawigan ng Northern Samar, Bilian, at Southern Leyte.
Nakatanggap ang mga grupo ng magsasaka mula Biliran, Eastern Samar, Northern Samar, Samar, Southern Leyte, at Leyte ng iba’t ibang makinarya at kagamitan sa sakahan na nagkakahalaga ng Php10.28 milyon.
“Ilan sa ating mga magsasaka ay naghintay ng 20 hanggang 30 taon. Kaya’t inatasan tayo ng Pangulo na i-fast track ang pamamahagi ng mga titulo ng lupa. Nagbibigay din tayo ng mga serbisyong suporta upang makatulong na mapabuti ang buhay ng mga magsasaka,” saad ni DAR Secretary Conrado Estrella III.
Sinabi ni Pangulong Marcos na sinimulan ng kanyang yumaong ama ang agrarian reform program noong 1970s kasama si DAR Secretary Conrado Estrella noon, ang lolo ng kasalukuyang pinuno ng DAR.
Aniya, ang pamamahagi ng mga CLOA at titulo ng lupa ay nagpakita rin ng paninindigan ng administrasyon na palakasin ang karapatan ng mga magsasaka at protektahan ang kanilang kapakanan sa ilalim ng Republic Act 11953, o ang New Agrarian Emancipation Act.
Ang batas na ito, aniya, ay magpapalaya sa mga ARB sa kanilang mga utang.
Ang pamahalaan ay patuloy na gumagawa ng paraan upang tulungan ang mamamayan sa pamamagitan ng mga programa ng gobyerno para makamit ang maayos, ligtas at payapang pamumuhay tungo sa Bagong Pilipinas.
Source: PNA
Panulat ni Cami