Sa pihak sang nagakalain-lain nga kalamidad nga nagtupq sa bilog Central Visayas sang nagligad nga tuig, nangin madinalag-o pa sa gihapon ang islabd province sang Bohol bilang isa sa mga holiday destinations sa bilog nasud sini lamang Christmas break, suno sa datos sang Department of Tourism (DOT).
Sugod Disyembre 15 hasta Disyembre 28 sang tuig 2025, nakabaton sang 62, 240 turista ang
Panglao Island sa Bohol. Bangud sini kaupod ang isla sa listahan sang most visited destinations sa Central Visayas.
Suno pa sang DOT ang madamo nga bilang sang mga turista sa holiday season nagapakita sang padayon nga pagpakigbahin sang Bohol bilang isa sa mga distinasyon sang domestic tourism sa bilog Visayas.
Sa iban nga bahin, nagapanguna pa sa gihapon ang Boracay Island, nga may narecord nga highest tourist arrivals nga nakalab-ot sang 118,745. Nagasunod man ang Cebu City nga may ara 102,124 tourists.
Ang iban nga tourist destination sa Visayas nakarecord man sang pagtaas sang mga turista partikular na sa Malajog Beach sa Calbayog City, Samar, nga naka-register sang 56,543 tourists; kag ang Tacloban City, nga nakarecord man sang 25,194 tourists overnight.
Nagapadayon man ang pagdamo sang mga tourism activities sa Pilipinas bangud sang mga long break sa holiday season.
Sa Baguio City nakabaton sila sang halos 117,137 mga bisita, amo man sa Bicol, Northern Luzon, Palawan, Mindanao, kag Metro Manila nga sa diin may ara steady holiday traffic.
“The Christmas holidays once again showed how Filipinos continue to explore and support our own destinations, helping communities recover, boosting the economy, and strengthening national pride,” dugang pa ni Frasco.
Nagapadayon man ang preparasyon sang DOT sa hosting sang 45th ASEAN Tourism Forum (ATF) sa Cebu sini nga tuig.