Liwat nga gin-ako sang New Peoples Army (NPA) ang pagpatay sa isa ka mangunguma sa syudad sang Escalante,matapus nga ila gin-akusahan ang biktima nga may kaso man sa pagpatay.
Ang biktima ginkilala sa kay alyas “Buboy” halin sang Sitio Cagayon 1, Brgy. Paitan, syudad sang Escalante.
Sa ginpagwa nga pahayag sang Roselyn Jean Pelle Command-New Peoples Army, ila gin-akusahan ang biktima nga responsable sa pagpatay man alyas “Martino”, sang 2024 paagi sa pagbuno resulta sang kamatayon sini.
Dugang pa sa rebeldeng grupo nga naka-gwa sa prisuhan si alyas “Buboy”,sa amo man nga tuig.
Sa interview kay Police Captain Lindsey Caraballe,Deputy Chief of Police sang Escalante CPS, wala sila sang iban nga background ni alyas “Buboy”,mag luwas nga ini isa ka mangunguma.