Wagi ang Negrense Vocal Coach at kasalukuyang National Director ng United Arab Emirates Vocal Team sa World Championship of Performing Arts (WCOPA) na ginanap sa Anaheim City sa California noong Hulyo 22-30, 2022.
Siya ay si Elipas Sibua, tubong Sipalay City sa Negros Occidental at nagtatrabaho bilang Vocal at Music Teacher sa United Arab Emirates. Siya ay apat na taon ng National Director sa Vocal Team ng nasabing bansa.
Tinalo niya ang mahigit isang daang vocal coaches mula sa 32 bansa na sumali sa ika-25 anibersaryo ng nasabing international competition.
Ang WCOPA ay tinaguriang “Talent Olympics” sapagkat ito ang pinakatanyag na kompetisyon ng ibat ibang talentadong personalidad sa buong mundo. Ang nag-iisang international competition na sinasalihan ng mga performers at entertainers sa lahat ng panig ng mundo na ang mga hurado ay mga industry professionals mula sa Hollywood.
