Ligtas na ang isang mangingisda mula sa Quinapondan, Eastern Samar matapos itong masagip sa Silago, Southern Leyte.
Kinilala ang mangingisda na si Jaime Cawaja, 47 anyos at residente ng Barangay Palactad, Quinapondan, Eastern Samar.
Natagpuan siya ng mga residente nitong Lunes, December 26 sa Barangay Balagawan, Silago, Southern Leyte.
Ayon sa ulat mula sa Punong Barangay ng Barangay Balagawan, natagpuan siyang palutang lutang sa dagat at nanghihina matapos ang tatlong araw na nakalutang sa dagat sa nasabing lugar.