Hinikayat ng Cebu City Department of Veterinary Medicine and Fisheries (DVMF) ang mga may-ari ng alagang hayop na malagyan ang kanilang mga aso at pusa ng microchips para sa pagsubaybay at isang maginhawang paglalakbay kapag pupunta sa ibang bansa.
Sinabi ni DVMF Head Dr. Jessica Maribojoc noong Biyernes, Setyembre 30, 2022, na nasa 2,000 alagang hayop ang na-tag na ng radio frequency identification (RFID) microchip mula noong 2013.
Sinabi ni Maribojoc na sa pamamagitan ng teknolohiyang ito, ang mga alagang hayop na nawawala ay madaling maibabalik sa kanilang may-ari kapag na-scan ang RFID.
Ang mga interesadong may-ari ng alagang hayop ay magbabayad lamang ng Php600 para sa “perpetual registration” na kasama na ang mga bakuna, bitamina, at microchip tagging, dagdag niya.
“Ang microchip is lifetime identification sa pet nga dili gyud makuha, radio frequency ni siya and then i-embed sa atoang dog,” ani Maribojoc.
Bago gamitin ang RDID microchip, sinabi ni Maribojoc na ginamit ng DVMF ang paraan ng collar identification ng mga alagang hayop ngunit hindi ito epektibo dahil madali itong matanggal.
Source || https://www.sunstar.com.ph/article/1942230/cebu/local-news/pet-owners-urged-get-microchips-for-dogs-cats