Naghain ng panukalang batas si Cebu Second District Representative Eduardo “Edu” Rama Jr. na nag-institusyonal sa government internship program ng Department of Labor and Employment.
Sa ilalim ng House Bill 6926, na tatawaging Government Internship Program of 2022, lahat ng intern na naglilingkod sa mga ahensiya at opisina sa gobyerno ay makakatanggap na ng Salary Grade 1 o buwanang suweldo na humigit-kumulang P13,000.
“Ang Government Internship Program ay naglalayon na magbigay ng mga pagkakataon at hikayatin ang mga kabataan na maglingkod sa pangkalahatang publiko sa mga ahensiya at tanggapan ng gobyerno, kapwa sa pambansa at lokal na antas. Ang programa ay nag-aalok ng pagkakataon sa mga indibidwal na nag-iisip na pumasok sa serbisyo sibil at nais na matuto mula sa mga pampublikong tagapaglingkod. Nagbibigay din ito ng paraan para sa mga kabataang intern na ito na magdala ng kanilang lakas, idealismo at kanilang saloobin patungo sa pagbabago, sa serbisyo ng gobyerno,” ani Rama.
Ang panukalang batas, na inihain noong Enero 2023, ay magbibigay ng pagkakataon sa mga kabataang may edad 18 hanggang 30 taong gulang na walang karanasan sa trabaho na mapakinabangan ang kanilang sarili sa programa hangga’t natutugunan nila ang mga kwalipikasyong nakasaad sa ilalim ng Seksyon 7 ng panukalang batas.
“Hindi lang ito limitado sa mga estudyanteng naghahanap ng karanasan sa gobyerno kundi pati na rin sa mga disadvantaged na indibidwal tulad ng mga biktima ng armed conflict, rebel returnees, persons with disabilities (PWDs), at maging ang mga indigenous beneficiaries,” ani Rama.
Dagdag pa ng mambabatas, nakakadagdag pabigat sa mga estudyante ang kasalukuyang practice ng internship dahil may mga hindi nakakatanggap ng allowance o stipend.
“Iminungkahi namin na ang mga intern ay bibigyan ng stipend na nagkakahalaga ng 75 porsiyento ng kasalukuyang rate ng Step 1, Salary Grade 1 ng batas sa standardisasyon ng suweldo ng gobyerno. ” Idinagdag niya.
Sa ilalim ng GIP, ang panahon ng internship ay tatlo hanggang anim na buwan. Dapat bigyan ng pagkakataon ang mga intern na matanggap o ma-absorb bilang isang kontraktwal, pansamantala, o regular na empleyado.
“Dahil ang programang ito ay nagbibigay ng stipend sa bawat indibidwal na naka-enroll sa GIP, uunahin din natin ang mga nangangailangan gaya ng mga indigents. So, ang mga aplikanteng may Certificate of Indigency ay uunahin,” Rama said.
Sakaling maipasa ang panukalang batas, ang DOLE ang mamamahala at mangangasiwa sa pagpapatupad ng programa.