Matigayon na nga makasal si Rolando Toledo kag Sharon Gaho sa ginhiwat nga mass wedding sa Activity Center sang Bacolod City College subong nga adlaw sang paghiguma, Pebrero 14.
Suno kay Anjanette Servano, head sang Bacolod Anti-Mendicancy Management Division – Department of Social Services and Development (DSSD), si Rolando kag Sharon ang 21 na ka tuig nga magkahagugma kag may ara sang lima ka mga kabataan.
Sila ang naga-ubra bilang barker samtang ang ila nga mga kabataan ang nagabaligya sang towel sa mga dalanon sa ciudad sang Bacolod.
Wala ini sila sang puluy-an kag nagatinir lamang sa Bacolod Public Plaza sa sulod sang pila ka tuig.
Sila ang na-rescue sang Bacolod City Mendicancy Management Division sang DSSD kag subong temporaryo nga naga-istar sa Arao Relocation Site sa Barangay Vista Alegre.
Source: Bombo Radyo Bacolod