Narekober ng pinagsanib-puwersa ng Calbayog Police Station at Regional Intelligence Unit 8, Special Action Force at Philippine Army ang matataas na kalibre ng armas sa Barangay Salvacion, Calbayog City.
Bitbit ang warrant of arrest laban sa isang kriminal sa nabanggit na Barangay noong araw ng Huwebes, August 31, 2023 ay tinungo ng mga awtoridad ang kinaroroonan ng isang Elias Valentino alyas “Elias Wahingon” pasado alas 6:15 ng umaga.
Subalit nang marating ng mga operatiba ang bahay ni Elias ay isang lalaki ang tumakbo sa bulubunduking bahagi at masukal na bahagi sa likod ng kanilang bahay dahilan para magkahabulan.
Sa puntong iyon ay nadiskubre ng mga awtoridad ang isang M16 rifle na may markang Elisco; isang 12-gauge shotgun na may markang Armscor bodyguard model; isang short magazine ng M16 at 56 na bala ng Kalibre 5.56.
Ang warrant of arrest laban kay Elias ay inisyu ni RTC Branch 41 Judge Maricar Lucero na may petsang July 21, 2021 dahil sa kasong attempted murder.
Ang mga narekober na armas ay dinala sa Calbayog CPS para sa dokumentasyon.