Arestado ang tatlong drug suspek sa matagumpay na operasyon ng mga awtoridad sa Brgy. Mahayag, Catbalogan City, Samar, bandang alas-4:40 ng hapon noong Enero 27, 2025.
Ang mga suspek ay kinilalang sina alyas Noel, alyas Paul, at alyas Matt, mga residente ng Libona, Bukidnon.
Ang matagumpay na operasyon ay isinagawa sa pamamagitan ng pagtutulungan ng Western Samar Provincial Patrol Team (Lead Unit), Catbalogan City Police Station-Drug Enforcement Team, Samar Provincial Explosive Ordinance and K9 Unit, Philippine Coastguard K9 Explosive Ordinance Disposal, at PDEA VIII-Samar Provincial Office.
Ayon sa mga nakuhang impormasyon, ang mga droga ay ikinakarga sa isang pick-up truck na mula pa sa Las Piñas City. Ang nakumpiskang shabu ay may tinatayang market value na Php20,400,000.00.
Ang mga suspek ay mahaharap sa kasong paglabag sa RA 9165 (Ang Comprehensive Dangerous Drugs Act of 2002).
Panulat ni Cami