Naaresto ang tatlong drug suspek at narekober ang mahigit Php100K halaga ng shabu sa ikinasang operasyon ng mga operatiba sa isang isang drug den sa Brgy Zone 7, Cavite West, Palo, Leyte, bandang ala 1:20 ng umaga, nito lamang Disyembre 5, 2024.
Ang operasyon ay pinangunahan ng Palo MPS kasama ang PDEA VIII kung saan naaresto ang mga suspek na nakilalang sina alyas Bong, alyas Fe, at alyas Maning.
Narekober mula sa kanila ang 15.5 gramo ng shabu na may halagang Php105,400 at iba pang drug paraphernalia.
Ang tatlong suspek ay kasalukuyang nakakulong sa Palo MPS upang harapin ang kasong paglabag sa RA 9165.
Panulat ni Cami