Sugatan ang isang magsasaka matapos na ito’y barilin sa ulo nitong Martes, Disyembre 26, 2023 sa So. New Road, Brgy. Palaypay, Basey, Samar.
Batay sa impormasyon, kinilala ng mga awtoridad ang biktima na si Paul John Avila y Bittita, 23 anyos, walang asawa, isang magsasaka, at kasalukuyang residente ng Brgy. Bulao, Basey, Samar.
Habang kinilala naman ang salarin na si Pastor Bachao y Amascual Jr., alyas “Pistoy”, 47 anyos, may asawa at residente ng So. New Road, Brgy. Palaypay, Basey, Samar.
Batay sa pagsisiyasat, habang minamaneho ng biktima ang kanyang motorsiklo na mas kilala sa tawag na “Habal-habal” nang sa di malamang kadahilanan ay bigla na lamang itong barilin ng suspek sa ulo.
Maswerte namang nakaligtas ang biktima na agad naman isinugod sa Basey District Hospital ang biktima para malapatan ng paunang lunas.
Samantala, matapos naman ang matagumpay na hot pursuit operation ng mga awtoridad ay agad namang nadakip ang suspek sa kanya mismong tahanan.
Narekober ng mga awtoridad sa kustodiya ng suspek ang isang cal. 38 baril at mga bala.
Dinala naman sa Basey Municipal Police Station ang suspek para sa kaukulang dokumentasyon at wastong disposisyon.