An kalugaringon ekwepahe pangisda an nagin hinungdan han kaawat han kinabuhi han usa nga parag-uma han makuryente ini samtang nangingisda ha Brgy. Casuntingan, MacArthur, Leyte, Biyernes han gab-i, Abril 10.
Ginkilala an biktima nga hi alyas “Leo”, 34 anyos, single, ngan residente han nasabi nga lugar.
Ha inisyal nga imbestigasyon han kapulisan, sumala ha asawa han biktima ngan usa pa nga indibidwal, alas-7:00 han aga han Abril 10 han kumadto an biktima ha Valerie River ha Brgy. Casuntingan agud manguryente hin isda.
Pero alas-7:00 na han gab-i, waray pa makauli an biktima, sanglit nagtikang na an iya asawa ngan mga paryente hini pagbiling ha iya.
Samtang alas-9:00 han gab-i, nakit-an han usa nga residente an waray na kinabuhi nga lawas han biktima ha Valerie River, kun diin nakita gihapon an mga wire han iya gamit pankuryente nga nakabalighot ha iya liog.
Nagtuo an pamilya nga nakuryente an biktima ngan waray ginsususpetsaran nga foul play ha insidente.
Source: RMN Tacloban