Biliran – Arestado ng mga awtoridad ang isang lalaki dahil sa ilegal na pagsusugal sa Brgy Ermita, Maripipi, Biliran noong Nobyembre 4, 2022.
Kinilala ang nahuli na si alyas “Leng”, 57 taong gulang, negosyante at residente sa nabanggit na lugar.
Ayon sa mga awtoridad, nahuli sa akto ang suspek na nagsasagawa ng ilegal na sugal o swertres/STL.
Kasunod nito, dinala sa Maripipi Municipal Police Station ang inaresto at mga nakumpiskang ebidensya sa MPS para sa dokumentasyon at pagsasampa ng kaso ng paglabag sa RA 9287 o “An Act Increasing the Penalties for Illegal Numbers Games”.