Nabali ang kaliwang braso ng isang 58-anyos na mangingisda na nanaga ng isang aso matapos gulpihin ng dalawang tao na nagligtas sa hayop dahil sa habag.
Naganap ang insidente sa Isla Verde, Barangay Bolinawan, Carcar City, Southern Cebu bandang 5:55 ng hapon noong Linggo, Hunyo 4, 2023.
Kapwa nakakulong sina Christian Caballero, estudyante, 20, at ama nitong si Rodrigo Daal, 62, tricycle driver matapos mabali ang kaliwang braso ng biktimang si Joaquin Cuico.
Dumating sa pinangyarihan sina Police Staff Sergeant Marjon Aledon at Patrolman Louie Laña ng Carcar City Police Station matapos ipaalam ni Barangay Captain Michelle Gador ang insidente.
Sinabi ni Rodrigo na iniligtas niya ang asong pinangalanang “Bakang” matapos itong tadtarin ni Cuico, na sinasabing lasing.
Ayon kay Rodrigo, nakatali si Bakang sa loob ng compound ng bahay ng kanyang bayaw at inaalagaan ng asawa ni Cuico habang wala ang may-ari ng bahay na nasa Maynila.
“Hubog ni siya (biktima) nagdala pinuti iyang gitripingan si Bakang. Luoy kaayo si Bakang kay maraming samad sa buko-buko,” saad ni Rodrigo.
Sinabi ni Rodrigo na pinagsabihan niya ang biktima ngunit nagalit at sa huli ay binato ito ng bato na ikinatumba nito.
Aniya, nang lapitan siya ni Cuico at tangkaing atakihin ng bolo, sinaklolohan siya ng kanyang anak na si Christian at hinampas ng kahoy ang biktima.
Arestado ang mag-ama, habang isinugod sa Carcar Provincial Hospital ang biktima.
Sinabi ni Rodrigo na iba ang ugali ni Cuico sa tuwing nalalasing.