Patuloy ang pag-usad ng konstruksyon ng Gandara-Matuguinao-Las Navas Road bilang bahagi ng Sustainable Infrastructure Projects Alleviating Gaps (SIPAG) program.
Ang nasabing proyekto na may 1.8 kilometer lane ng Portland Cement Concrete Pavement (PCCP) ay mayroong apat na lanes kasama na ang road slope protection.
Nagsimula na ang konstruksyon nito mula sa Barangay Tawiran, Gandara, Samar na magkokonekta sa Bayan ng Matuguinao sa Western Samar hanggang sa Bayan ng Las Navas, Northern Samar.
Layunin nitong magkonekta sa mga bayan ng Hilaga at Kanlurang bahagi ng Samar upang mas mapadali at mapa-ikli ang byahe gayundin ang pagtataguyod ng kaayusan at kapayapaan sa lalo na sa mga liblib na kanayunan.