Tiniyak ang kahandaan ng mga tauhan ng pulisya sa Eastern Visayas kasunod ng pagsisimula ng pool period para sa 2023 Barangay at Sangguniang Kabataan Elections (BSKE) nitong Lunes, Agosto 28, 2023.
Inihayag ni PRO 8 Regional Director, PBGen Vincent Calanoga ang pagsasagawa ng regionwide simultaneous checkpoints, limited to visual searches, at ang mahigpit na pagpapatupad ng election gun ban mula Agosto 28 hanggang Nobyembre 29.
Samantala, sinabi ni Commission on Elections (Comelec)-Eastern Visayas Director Jose Nick Mendros na handa na ang kanilang mga tanggapan na tanggapin ang paghahain ng certificates of candidacy para sa mga posisyon sa Barangay at Sangguniang Kabataan hanggang Setyembre 2 at magsisimula naman ang campaign period mula Oktubre 19 hanggang 28 .