Malampusong nadakpan sa mga sakop sa Ubay Municipal Drug Enforcement Team ubos sa pagpangulo ni PMAJ NEON FRANCIS B ALVAREZ, Chief of Police, ang usa ka suspetsado sa gipahigayong buy-bust operation kaganihang sa buntag, bandang 3:47, Abril 11, 2026, didto sa Purok 4 Poblacion, Ubay, Bohol.
Ang maong suspetsado usa ka 30 anyos nga lalaki nga taga Mabini, Bohol ug nasakmit gikan kaniya ang 8.10 gramos nga gidudahang shabu nga mobalor og ₱55,080.00.
Sa pagkakaron, ang maong indibidwal anaa sa kustodiya sa Ubay Municipal Police Station samtang mag-atubang sa kasong paglapas sa Republic Act No. 9165 o ang Comprehensive Dangerous Drugs Act of 2002.
Kini nga kalampusan maoy bunga sa walay puas nga dedikasyon sa PNP Bohol ubos sa paggiya sa atong Provincial Director, PCOL PATRICIO C DEGAY JR., dungan sa tinguha nga hingpit nga mapatunhay ang kahusay ug kalinaw. Pinaagi sa hugot nga kampanya batok sa ginadiling droga, gipasalig sa kapulisan ang usa ka luwas ug hapsay nga komunidad alang sa matag Bol-anon.
Source: PNP Bohol