Mapaso nga ginkarawat han Provincial Government han Northern Samar an ika-duha nga batch han mga scholar ha Nursing Scholarship Program (NSP) nga usa nga inisyatibo para suportahan an mga indigent pero deserving nga Nortehanon nga estudyante.
20 nga aplikante tikang ha nagkalain-lain nga bungto an opisyal nga ginkarawat ngan ginhatagan hin Nursing Scholarship Certificates pinaagi kan Gov. Harris Ongchuan, kaupod hi Vice Gov. Clarence Dato ngan iba pa nga opisyal ha ginbuhat nga simple nga seremonya ha Sumuroy Hall, Provincial Capitol.
Sumala kan Gov. Ongchuan, an mga iskolar in ginlalauman nga magseserbisyo ha mga pampubliko nga ospital katapos han ira pag-eskwela.
Gintagan hin duon gihapon niya an kaimportante han maupay nga health human resources ha paghatag hin kalidad nga serbisyo medikal, samtang gin-aghat ni Vice Gov. Dato an mga iskolar nga magpursige ngan magpadayon ha ira pag-aram.
An scholarship maghahatag hin bug-os nga benepisyo sugad han school fees, learning expenses, allowance, uniform ngan book allowance nga maabot hin sobra P70,000 kada semester. Yana, may-ada na kabug-osan nga 51 nga nursing scholars an probinsya—31 tikang ha siyahan nga batch ngan 20 ha ikaduha nga batch ha ilarum han Nursing Scholarship Program.
Source: RMN Tacloban