Maswerteng nakaligtas ang isang vendor matapos itong tagain sa mukha kahapon, Setyembre 20, 2023 bandang 11:30 ng umaga sa Purok 2 Brgy. Begaho, Calbayog City.
Kinilala ang biktima na si Erwin Delos Reyes, 44 na taong gulang, nakatira sa Purok 1 Brgy Matobato ng nabanggit na lungsod.
Agad na sinugod sa ospital ang biktima para malapatan ng medikal na lunas ang sugat na natamo sa mukha.
Sa inisyal na imbistigasyon ng Calbayog City Police Station, ang biktima ay nasa bahay ng ina ng suspek ng biglang kinuha ng suspek ang mahabang patalim na mas kilala na “SUNDANG” at tinaga ang biktima sa mukha.
Agad namang tumakbo sa taas ng kanilang bahay ang suspek at nagtago. Habang tumakbo naman palabas ng bahay ang biktima para isalba ang kanyang buhay.
Samantala, naaresto naman ang suspek na nakilalang si Randy Baldomaro, 49 na taong gulang at nakatira sa P2 Brgy. Begaho, Oquendo Dist. Calbayog City.
Dinala ang suspek sa Calbayog CPS para sa dokumentasyon at tamang disposisyon.