Isang matandang babae ang aksidenteng nabundol ng Ceres bus sa Brgy. Zaragosa, Bugasong, Antique, nitong alas 6:10 ng hapon nitong ika-9 ng Enero 2024.
Kinilala ang biktima na si Salome Impol, 77 taong gulang, walang asawa, residente ng Sitio Madarag, Brgy. Ilaures, Bugasong, Antique.
Ayon kay PMajor Horizon Villanueva ng Bugasong Municipal Police Station, nagtamo ang biktima ng mga sugat sa ulo at iba’t ibang bahagi ng katawan dahil sa pagkabangga nito.
Ayon pay kay PMajor Villanueva , lumabas sa kanilang imbestigasyon na ang bus ay patungong norte ng Culasi at pagdating sa nasabing lugar, bigla nitong nabundol ang biktima na bigla umanong tumawid patungo sa kabilang kalsada.
Kinilala naman ang driver ng bus na si Raden Samones, 45-anyos, may asawa at residente ng Brgy. Salvacion, Anini-y, Antique.
Dinala sa Bugasong Medicare Hospital ang biktima, ngunit binawian ito ng buhay habang ginagamot.
Samantala, nasa kustodiya na ng Bugasong MPS ang driver ng nasabing Bus at nahaharap sa kasong Reckless Imprudence Resulting in Homicide.