Nahuli ang itinuturing na isa sa mga mataas na opisyal ng New People’s Army (NPA) matapos ang matagal na panahon ng pagtakas at pagtatago sa kinauukulan noong ika-25 ng Hunyo,2024 sa Sitio Insiwalan, Barangay Tapulang, Maayon, Capiz.
Ayon sa impormasyon, inaresto ang tinaguriang si “Ka Tonying” sa bisa ng warrant of arrest para sa mga kasong Rebelyon, Murder, at Extorsion matapos itong bumisita sa kanyang kamag-anak sa Maayon, Capiz
Nalaman na si “Ka Tonying” ay itinuturing na isa sa mga “Notorious” na lider ng Igabon Platoon, Central Front Committee, Kilusang Rehiyon Panay na kumikilos sa Capiz at bahagi ng Iloilo.
Sa kasalukuyan, nasa kustodiya na ng Maayon Municipal Police Station ang naarestong rebelde para sa tamang disposisyon.
Source: K5 News Fm Iloilo
Panulat ni Justine