Ginpasiguro sang Iloilo City Goverment nga estable kag may ara pa sang nagakaigo nga suplay ang produktong petrolyo kag Liquified Petroleum Gas (LPG) ang syudad sang Iloilo.
Suno kay Mayor Raisa Treñas, matapos ang ila pagpakigsapol sa mga stakeholders sang produktong petrolyo kag LPG sa syudad sang Iloilo, ginpasiguro sang mga ini nga wala sang dapat kabalak-an bangud magadangat pa ini tubtob sa bulan sang Abril.
Suno pa sa alkalde, padayon ang ila pagserbisyo sa mga pumuluyo sa syudad agud masiguro nga mahatagan sang nagakaigo nga kinahanglanon ang mga panimalay kag negosyo sa syudad.
Dugang pa diri, padayon man ang ila koordinasyon sa ila mga partners sa energy sectors agud masiguro nga estable ang supply kag presyo sini, ilabi na subong nga may ara sang national energy concerns.
Source: Bombo Radyo IloIlo