Pormal nga ginkilala ang Iloilo City bilang Role Model City for ecosystem restoration and nature-based solutions sa idalom sang Generation Restoration Initiative (2023–2025) sang United Nations Environment Programme (UNEP) kaupod ang ICLEI Cities Biodiversity Center, nga nakabulig sa United Nations Decade on Ecosystem Restoration (2021–2030).
Ang amo nga pagkilala ginbaton sang City of Iloilo pamaagi sang isa ka Certificate of Recognition nga sa diin ginapakita ang mga successful track record sang lungsod sa pag-implementar sa mga nagakalain-lain nga mga nature-based solutions (NbS) partikular na sa mga urban spaces.
Kabahin man ang amo nga recognition sa global framework “Generation Restoration Cities: Catalysing a nature-based transformation in finance, jobs and cities,” nga nagapahayag nga bisan naga-occupy lamang ang mga syudqd sang isa ka porsyento sang Earth’s land surface, pero nagatipon sila sang halos katunga sang global population kag naka-impluwensya sa estado sang aton nga mga ecosystems.
Paagi sang Generation Restoration Project (2023–2025), luyag sang UNEP nga mahatagan solusyon ang mga political, technical, kag financial barriers sa implementasyon sang ecosystem restoration, partikular na sa mga urban areas bilang parte sang Global Biodiversity Framework.
Suno pa sang UNEP, ang Iloilo City nanguna bilang “at the forefront of ecosystem restoration for several years,” partikular na sa pagpa-imrpove sang mga coastal at river ecosystems mangin sang pagprotekta kag rehabilitasyon sang mga mangrove forests.
Ang amo nga mga inisyatibo nangin rason sang pagpakigbahin sang Iloilo City sa 11 Role Model Cities sa bilog kalibutan, kaupod ang Cape Town, Paris, Toronto, Seattle, Glasgow, kag Istanbul.
“I’m always proud to share our city’s sustainability journey and good practices with other cities and localities. Our commitment to a greener future is evident with projects like the 3-hectare Iloilo Tree Park Development in Jaro district, set to sequester 33 tons of CO₂ yearly, and our vast mangrove forests that capture 29.4 metric tons of CO₂ annually. Together, we’re making a difference for our environment,” siling pa ni former Iloilo City Mayor Jerry P Treñas.
Ginpirmahan ang amo nga Certificate of Recognition sanday Kobie Brand, Deputy Secretary General kag Global Director sang ICLEI Cities Biodiversity Center, and Gulnara Roll, Head of Cities Unit of UNEP.
Ginlarawan man ni Mayor Raisa S. Treñas ang pagkilala bilang repleksyon sang mabakod nga local action sang Iloilo City LGU para makahatag sang global impact.
“Mga pinalangga ko nga Ilonggo, ginkilala ang aton syudad sa international stage bilang Role Model City for ecosystem restoration kag nature-based solutions, isa ka dungog halin sa United Nations Environment Programme kag ICLEI,” siling pa ni Mayor Raisa.
“Ini nga recognition nagapakita nga ang aton mga local initiatives are effective, sustainable, kag guided by a vision for a greener future. Gani, ululupod kita tanan sa pag-atipan sang aton palibot, humalin sa tagsa ka barangay kag sa bug-os nga siyudad, agud mapadayon naton ini nga global honor,” dugang pa niya.