ILOILO — Nadakpan sa drug bust operation ang 46-anyos nga High Value Individual sa Barangay Poblacion, Dingle, Iloilo.
Ginkilala ang subject sa alyas “Makoy” nga naaresto matapos ang buy bust operation nga ginpatigayon sang mga otoridad.
Na-recover gikan sa iya ang lima ka sachets sang suspected shabu kag P18,000 nga buy bust money.
Sa kabug-usan, nagabug-at sang 220 grams kag may estimated standard drug price nga P1,496,000 ang nakuha nga illegal nga droga sa operasyon.
Padayon naman nga ginapaidalom sa imbestigasyon sang mga otoridad ang subject para sa posible nga paglapas sa Republic Act 9165 ukon Comprehensive Dangerous Drugs Act of 2002.