Arestado ang isang High Value Individual sa isinagawang PNP buy-bust operation sa Barangay Inayagan, Naga City, Cebu, dakong 1:00 ng hapon noong Martes, Setyembre 27, 2022.
Kinilala ng awtoridad ang suspek na si Leopoldo Paulo Miel, 43, residente ng Barangay Inayagan, Naga City, Cebu.
Nakumpiska mula sa naturang suspek ang limang (5) medium na pakete ng pinaniniwalaang shabu na may bigat na 23 gramo na nagkakahalaga ng Php156,400 at kasama sa mga nakuhang gamit ang isang pakete ng shabu na ginamit sa buy-bust transaction at ang Php200 marked money.
Ayon kay Police Lieutenant Colonel Junnel Caadlawon, Hepe ng Naga City Police Station, matagal na nilang namonitor ang aktibidad sa ilegal na droga ni Miel bago nila isinagawa ang operasyon.
Tinutunton na rin ngayon ng Naga PNP ang iba pang posibleng kasabwat ng suspek sa drug trade.