Naaresto ng mga pulis ang isang “high-profile” na suspek at nasamsam ang halos Php1.4 milyon na halaga ng hinihinalang shabu sa isang buy-bust operation sa Sibulan, Negros Oriental, madaling araw ng Biyernes.
Ayon kay Police Lieutenant Stephen Polinar, Spokesperson ng Negros Oriental Police Provincial Office (NOPPO), ang suspek ay kinilalang si alyas na “Jingle”, 36 taong gulang, walang asawa, at residente ng Burgos St., Poblacion 2, Siaton, Negros Occidental.
Ang suspek ay nagbenta ng ilegal na droga sa mga operatiba na nagpanggap bilang buyer sa Purok 6, Barangay Maslog, Sibulan, na nagresulta sa pagkakasamsam ng humigit-kumulang 205 gramo ng hinihinalang shabu na may tinatayang halaga na Php1,394,000.
Ang suspek ay kasalukuyang nasa kustodiya ng kapulisan para sa dokumentasyon at tamang disposisyon.
Source: Philippine News Agency