Nagtalaga ang Mines and Geosciences Bureau (MGB) ng 175 mining enforcement officers sa Eastern Visayas para paigtingin ang monitoring sa illegal quarrying activities sa rehiyon.
Sinabi ni MGB 8 (Eastern Visayas) Director Carlos Tayag nitong Huwebes, Pebrero 16, 2023 na ang mga deputized personnel ay binubuo ng mga task force enforcer, pulis, opisyal ng barangay, at mga piling empleyado ng lokal na pamahalaan.
Ang mga bagong deputized mining enforcement officers ay mula sa mga bayan ng Javier at Barugo sa Leyte, Sogod sa Southern Leyte, at Kawayan sa Biliran. Ang mga munisipalidad na ito ay kilala sa mga aktibidad sa pag-quarry.
“This is in response to requests of local government units to capacitate local authorities for them to collect revenues from quarry operations and make sure that operators extract sand and gravel within the permitted area,” sabi ni Tayag sa isang panayam.
Ang MGB ay walang available na rekord ng mga pagkalugi ng lokal na pamahalaan mula sa unregulated quarrying sa Eastern Visayas. Gayunpaman, noong 2021, nakolekta ng anim na provincial treasurer’s office ang Php48.62 bilyon mula sa pagmimina, kabilang ang mga aktibidad sa quarrying.
Ayon sa 2021 records, ang 36 operators ng rehiyon ay nakakuha ng 276,823 cubic meters ng buhangin at graba na may kabuuang halaga na Php91.22 milyon.
“There’s a high demand for quarry materials in recent years due to massive construction activities both by the government and the private sector. We have been providing assistance to local government to regulate the extraction of sand and gravel by deputizing enforcement officers,” sabi ni Tayag.
Ang Seksyon 138 ng Local Government Code ay nagpapahintulot sa mga lalawigan na maningil ng buwis sa buhangin, graba, at iba pang aktibidad sa pag-quarry.
Bilang mga deputized officers, sila ay awtorisadong mag-imbestiga ng mga paglabag sa mga batas sa pagmimina, mga tuntunin at regulasyon, at anumang mga paglabag sa Republic Act 7942 o Philippine Mining Act of 1995.
“Ang MGB ay patuloy na magpapaalala sa mga operator na bukod sa negosyo, ang ilang mga patakaran at regulasyon ay dapat sundin at ang kanilang mga operasyon ay dapat palaging nakaangkla sa mga prinsipyo ng sustainable development alinsunod sa ating hangarin na isulong ang responsableng quarrying,” dagdag ni Tayag.
Sinabi niya na mas maraming deputized enforcers ang ipapakalat sa mga darating na buwan, na bibigyan din ng pahintulot na manghuli ng mga kasangkapan, kagamitan, at mga conveyance na ginagamit sa iligal na pagmimina, kabilang ang lahat ng mga produktong mineral na ilegal na kinukuha, hinahakot, at upang magsampa ng mga reklamong kriminal.
Sinabi ni Tayag na hindi nila maipapatupad ang mga batas sa pagmimina nang walang suporta ng mga lokal na pamahalaan bilang pagsasaalang-alang sa kanilang mga devolved function na may kaugnayan sa pagmimina.