Usa na naman nga kalampusan an naangkon han Police Regional Office 8 (PRO-8) mahuman maseguro an pagsurender han duha nga miyembro hin Underground Mass Organization (UGMO) ha magkalain nga operasyon nga ginbuhat ha Samar, kakulop, March 5, 2026.
Ha Matuguinao, Samar, malinampuson nga gin asistiran han mga personales han Matuguinao Municipal Police Station (MPS) an pagsurender ni alyas “Jossie,” 50 anyos nga babaye, parag-uma, ngan residente han Mataguinao, Samar. Hiya in anay miyembro hin UGMO ha ilarom han Batakang Organisasyon ng Partido (BOP).
Samtang, ha Villareal, Samar naman, ginpasilitar han 802nd Maneuver Company, Regional Mobile Force Battalion 8 (RMFB-8), an pagsurender ni alyas “Noy,” 51 anyos nga parag-uma, ngan residente han mao nga lugar. Hiya in anay miyembro hin UGMO ha ilarom han Eastern Visayas Regional Party Committee (EVRPC), SRC-SESAME.
Yana, an mao nga mga anay rebelde in ada na ha ilarom han kustodiya han kapulisan para han dokumentasyon ngan pagproseso han posible nga pag api ha Enhanced Comprehensive Local Integration Program (E-CLIP) han gobyerno.
Source: #RMNTaclobanNews