Ang pagtatayo ng Tacloban causeway project na magbibigay ng mas maikling ruta mula sa downtown ng lungsod patungo sa airport ay magsisimula na sa lalong madaling panahon pagkatapos makuha ng Department of Public Works and Highways (DPWH) ang pag-apruba ng city council dito, sinabi ng DPWH nitong Huwebes, Agosto 10, 2023.
Sinabi ni DPWH Eastern Visayas Regional Director Edgar Tabacon, “The city council lifted its earlier resolution holding the project in abeyance after the agency was able to address the concerns raised by environmental groups by including enhancements to project designs.”
“The project will start soon after the city council lifted their earlier resolution holding the project in abeyance. We hope this will be completed within the term of President Ferdinand Marcos Jr. in time for the opening of the new airport terminal building,” pahayag nito.
Aniya, mula sa orihinal na 180-meter na tulay, dodoblehin pa nito ang haba. Gayundin, ilang mga box culvert na may tatlong metro ang lapad at taas ay idadagdag upang mas malayang makadaloy ang tubig.
“Ang proyekto ay nagkakahalaga na ngayon ng humigit-kumulang Php4 bilyon mula sa orihinal na Php3.4 bilyon. Ang obligadong pondo na Php800 milyon ay para lamang sa unang yugto ng konstruksyon,” dagdag pa niya.
Inaprubahan ng sentral na pamahalaan sa ilalim ng 2022 na alokasyon ang pagpapalabas ng Php800 milyon na gastos para sa paunang pagpapatupad ng proyekto. Sasakupin ng badyet ang pagtatayo ng 600 metrong daanan.
Sa kabila ng pagkakaroon ng pondo, inirekomenda ng city council committee on the environment noong Mayo na itigil ang proyekto dahil makakaapekto ito sa kalidad ng tubig ng Cancabato Bay na itinaas ng ilang lokal na environmental groups.
Ang proyektong ito ay kasama sa pagtatayo ng four-lane road embankment na umaabot ng humigit-kumulang 2.55 kilometro na may tulay sa gitna. Magkakaroon din ito ng magkahiwalay na bike lane, concrete canals, mga bangketa, pati na rin ang mga wave deflector sa magkabilang dulo.
Ang daanan ay tatawid sa Cancabato Bay simula sa City Hall Complex sa Magsaysay Boulevard hanggang sa Kataisan point ng Tacloban Airport sa San Jose District ng lungsod. Ang oras ng paglalakbay ay mababawasan sa 10 minuto lamang mula sa kasalukuyang 45 minuto.