Namatay ang mag-lola nang masunog ang kanilang bahay sa Brgy. Tamoso, lungsod ng Borongan, Eastern Samar bandang alas-3:43 ng umaga noong Setyembre 24, 2023.
Kinilala ng mga awtoridad ang mga nasawi na sina Lourdes D. Abobo at Lloyd Alec Legion na kapwa nasa loob ng bahay at na-trap dahil sa malaking sunog.
Sa inilabas na fire report ng BFP Borongan, nasa first alarm ang sunog at nakontrol ang apoy pasado alas-4:20 na nang umaga.
Ayon kay Franklin Marzon, Chief Investigator ng BFP Borongan, iniimbestigahan pa ang sanhi ng sunog at tinatayang nasa mahigit Php700,000 ang pinsala na dulot nito.