Daan-daang mga Oponganon ang nakatanggap ng libreng serbisyo sa paglulunsad ng Bayan Babangon Muli (BBM) Caravan ng Government Services sa Lapu-Lapu City Sports Complex noong Sabado, Hulyo 15, 2023.
Ang aktibidad ay dinaluhan nina Mayor Junard “Ahong” Chan at ng Office of the Presidential Assistant for the Visayas (OPAV) Secretary Terrence Calatrava at Assistant Secretary Antonio Veloso Jr.
Sinabi ni Veloso sa isang panayam sa media na pinaplano nilang dalhin ang mga serbisyo sa Bacolod City sa Negros Occidental para sa susunod na hinto ng caravan.
Kabilang sa mga serbisyong inaalok ang libreng gupit, dental services, medical check-up, libreng legal advice, feeding program para sa mga bata, pamamahagi ng limang kilo ng bigas, at pamamahagi ng mga bag sa 200 grade school pupils.
Ang Vicente Sotto Memorial Medical Center (VSMMC), ang Philippine Army Task Group Cebu, Tingog Partylist, at iba pang pribadong negosyo ay nagbigay ng tulong para sa mga aktibidad.