Northern Samar – Arestado ang isang miyembro ng Communist Terrorist Group at Top 5 Most Wanted Person para sa kasong Frustrated Murder, ng mga tauhan ng Northern Samar PNP at AFP sa Brgy. Curry, Lope De Vega, Northern Samar noong Lunes, Hulyo 04, 2022.
Kinilala ng mga awtoridad ang naaresto na si alyas “Nonoy/Noah”, 28 taong gulang, may asawa, magsasaka, isang miyembro ng CTG, Front Committee 2, SRC Emporium, SARGU, Squad 2, Team 1 at residente ng Brgy. Paguite, Lope De Vega, Northern Samar.
Si alyas “Noah” ay naaresto sa bisa ng Warrant of Arrest sa pinagsanib na pwersa ng 1st Northern Samar PMFC kasama ang 43rd Infantry Battalion, Philippine Army, Provincial Intelligence Team (PIT) Northern Samar at Lope de Vega Municipal Police station.
Ang naaresto ay nahaharap sa kasong Frustrated Murder na pinirmahan ni Hon. Jude Alma Consuelo B.D Esidera ng RTC, Eight Judicial Region, Branch 20, Catarman, Northern Samar at may Php200,000.00 na inirekomendang piyansa para sa pansamantalang kalayaan.
Ayon naman ni PLtCol Oloan, “Ang sunud-sunod na pag-aresto sa mga pugante at miyembro ng CTG ay bunga ng pinaigting na pagpapatupad ng batas ng ating mga awtoridad sa aktibong suporta ng komunidad upang mabigyan ng hustisya ang mga biktima at para sa kaligtasan ng ating mga tao”.
Tiniyak naman ni PLtCol Oloan na hinding-hindi magsasawa ang Northern Samar PNP at AFP sa pagbibigay ng serbisyo at proteksyon para sa mas maunlad at mapayapang bansa.
Source: FirstPmfc NorthernSamar FB Page | https://web.facebook.com/photo/?fbid=1712302682440025&set=a.242836012720040