Nakakita ng malaking pagbaba sa mga insidente ng krimen ang Central Visayas sa kalagitnaan ng ikatlong quarter ng 2024, ayon sa ulat ng Philippine National Police (PNP) na nagpakita ng 10 porsyentong pagbaba kumpara sa nakaraang taon. Sa pa rehong panahon, nakumpiska ng Philippine Drug Enforcement Agency (PDEA) sa rehiyon ang 156 kilo ng shabu, 17 kilo ng marijuana, at sinira ang ilegal na droga na nagkakahalaga ng Php374 milyon.
Ang impormasyon na ito ay ibinunyag sa ikatlong quarter na pagpupulong ng Regional Peace and Order Council (RPOC) noong Huwebes, Setyembre 19, sa pamumuno ni Lapu-Lapu City Mayor at RPOC Chairman Junard “Ahong” Chan.
Ipinresenta ni Police Colonel Ireneo Dalogdog, Chief ng Police Regional Office 7 Investigation and Detective Management Division, ang datos na nagpapakita ng pagbaba sa walong pangunahing krimen sa Central Visayas.
Mula Enero hanggang Agosto 2024, nagsagawa ang PDEA ng 3,901 operasyon laban sa droga na nagresulta sa pagkakaaresto ng 4,475 indibidwal. Kabilang dito ang 81 high-value targets at dalawang banyagang nasyonal. Narescue rin ng ahensya ang 67 menor de edad.
Iniulat ni PDEA 7 Assistant Director George Alcovindas na halos one-third ng mga barangay sa Central Visayas ay apektado ng ilegal na droga. Sa 3,003 barangay, 1,013 (o 33.73 porsyento) ang naitalang apektado ng droga. Sa kanilang mga operasyon, nakumpiska ng PDEA ang 156,241.78 gramo ng shabu, 17,351.72 gramo ng marijuana, at 205 ampoules ng Nalbuphine. Noong Hunyo 6, 2024, nagdispose ang PDEA ng ilegal na droga na nagkakahalaga ng P374,269,250.99. Simula Hunyo 2017, nakapagdispose na ang ahensya ng P1.867 bilyon na halaga ng ilegal na droga.
Source: SunStar