Nagpatigayon sang labing-una nga Rescue Challenge 2026 ang Capiz Police Provincial Office (CPPO) sa Barangay Baybay, Roxas City, Marso 5, 2026.
Ang ini nga aktibidad ang may tema nga “EXCELLENCE IN ACTION: SPEED SKILL & SURVIVAL” kun sa diin kabahin ini sang preparasyon sang mga kapulisan kag BPAT bilang first responders sa tion sang emerhensya. Ginapasangkad ma sini ang kasanayan kag abilidad sa paghawid sang isa ka sitwasyon ilabi na sa tion sang kalamidad.
Nagikan ang mga partisipante sa 16 tanan ka mga kabanwahanan kag 1 ka siyudad sa probinsya sang Capiz, nga ginakabug-usan sang 8 ka mga kapulisan sa tagsa-tagsa ka mga Municipal Police Station, kag 8 man ka mga BPAT gikan sa kada banwa.
Ang mga challenges nga ginperform sang mga responder amo ang Stretcher Carry, Rescue Boat Race Raw and Carry, First Aid, Knot Tying , One Man Carry, kag Life Preserver Ring Throw.
Source: 𝐗𝐅𝐌 𝟏𝟎𝟔.𝟓 𝐑𝐨𝐱𝐚𝐬 𝐂𝐢𝐭𝐲 𝐂𝐚𝐩𝐢𝐳