Kinumpirma ng Commission on Elections (COMELEC) na walang planong palawigin ang paghahain ng Certificate of Candidacy (COC) para sa mga naghahangad na maging opisyal ng barangay.
Naniniwala si COMELEC Spokesperson John Rex Laudiangco na ang Agosto 28 hanggang Setyembre 2 ay sapat na panahon para makapagsumite ng COC ang mga interesadong tumakbo bilang opisyal ng barangay.
Nilinaw ng COMELEC na sakaling magkaroon ng pagbabago dahil sa bagyo o sama ng panahon, sila ay magbibigay-alam.
Pinaalalahanan ni Laudiangco ang mga gustong maghain ng COC nang maaga upang hindi maantala.