Umabot sa 236 pamilya na nabiktima ng sunog sa Sitio Bato, Barangay Ermita, Cebu City ang nakatanggap ng tig-P5,000 mula kay Senator Imee Marcos noong Miyerkules, Abril 12, 2023.
Ang tulong na pera ay ipinadala sa pamamagitan ng tanggapan ng City Social Welfare Services.
Nakatanggap din ng Nutribuns ang mga nasunugan sa kagandahang-loob ng senadora.
Samantala, namahagi din ng tulong pinansyal ang Fraternal Order of Philippine Eagles group ni Ermita Barangay Captain Mark Rizalde Miral sa 600 pamilya sa Mandaue City at mahigit 200 Muslim na residente sa Ermita sa parehong araw.