Patay ang dalawang drug suspek matapos makipagbarilan sa mga operatibang nagsasagawa ng buy-bust operation sa Brgy. Bagacay, Calbayog City, noong umaga ng Enero 25, 2025.
Ang operasyon ay isinagawa ng pinagsanib pwersa ng mga tauhan ng Provincial Intelligence Unit (PIU), Provincial Drug Enforcement Team (PDET), at Calbayog City Police Station Drug Enforcement Team.
Ang mga nasawing suspek ay nakilalang si alyas Mar, isang High Value Individual (HVI), at alyas Edar, isang miyembro ng Wahingon Criminal Gang, at isa pang suspek na si alyas Dren, isa ring HVI, na pawang mga residente ng Brgy. Hamorawon, Calbayog City.
Ayon sa ulat, nahuli sa aktong nagbebenta ng iligal na droga sa isang poseur buyer na operatiba, kung saan ibinenta nila ang isang piraso ng hinihinalang shabu sa halagang Php 10,000. Subalit, nang matunugan ng mga suspek na pulis ang kanilang katransaksyon, nagsimula silang magpaputok kaya nagkaroon ng palitan ng putok sa pagitan ng mga suspek at mga pulis.
Dinala ang mga suspek sa Calbayog District Hospital, ngunit idineklara silang dead on arrival ng mga doktor.
Samantala, narekober mula sa mga suspek ang siyam na pirasong heat-sealed na plastic sachet ng hinihinalang shabu na may kabuuang timbang na 20 gramo, na nagkakahalaga halaga na Php 136,000. Kasama rin sa mga narekober ang marked money, boodle money, at mga cellphone na pag-aari ng mga suspek.
Prinoseso ng Scene of the Crime Operatives (SOCO) ang crime scene at narekober ang dalawang unmarked caliber .45 pistola na walang serial number, mga magazine, at limang bala, pati na ang mga basyo ng bala mula sa engkwentro.
Ang buy-bust operation ay nagpatuloy bilang bahagi ng mga pagsisikap ng kapulisan na sugpuin ang iligal na droga at kriminalidad sa rehiyon.
Panulat ni Cami
https://www.facebook.com/share/p/1A1jjeHd4V/