Nagkaroon ng isang malakas na pagsabog ang Bulkang Kanlaon sa Negros Occidental nitong ika-9 ng Disyembre 2024, bandang 3:03 ng hapon.
Ang pagsabog ay nagresulta sa pag-angat ng makapal na abo na umabot sa taas na 3,000 metro mula sa bunganga ng bulkan at umusad patungong kanluran-timog kanluran.
Ayon sa mga thermal camera at instrumentong pang-monitor, nakapagtala rin ng pyroclastic density currents na bumaba sa timog-silangang bahagi ng dalisdis ng bulkan.
Dahil dito, itinaas ng DOST-PHIVOLCS ang Alert Level ng Kanlaon Volcano mula Alert Level 2 (tumataas na aktibidad) patungong Alert Level 3 (magmatic unrest).
Ang antas na ito ay nangangahulugan na nagsimula na ang pagputok ng magmatic eruption at posibleng magtuloy sa mas malalakas na pagsabog.
Pinapayuhan ang lahat ng lokal na pamahalaan na agad na lumikas sa loob ng 6-kilometrong radius mula sa bunganga ng bulkan.
Hinihikayat din ang kahandaan para sa posibleng karagdagang paglikas kung kinakailangan, upang masiguro ang kaligtasan ng mga residente.
SOURCE: Philippine Institute of Volcanology and Seismology (PHIVOLCS-DOST)