Liwat naman nga nagbuga sang abo ang Bulkan Kanlaon kahapon pasado alas-12:00 sang kaagahon.
Sa official nga video sa Philippine Institute of Volcanology and Seismology (PHIVOLCS), ang bulkan ang nagbuga sang abo kag naglawig ini sang halos 17 minutos.
Suno pa kay Remcelle Limaco, Research and Planning Section Chief sang Negros Occidental Provincial Disaster Management Program Division, light ash lamang ang ginbuga sang bulkan kag ang kataason sang buga ang nagdangat sa 300 metros.
Suno kay Limaco, may yara sang nabaton nga report gikan sa Provincial Disaster Risk Reduction and Management Office (PDRRMO) sang ashfall kag sulfuric smell sa Bago City ilabi na sa Brgy. Mailum, Ilihan, kag Binubuhan, amo man sa banwa sang Pontevedra lakip na ang mga barangay nga Antipolo, Mabini, Gomez, Zamora, Poblacion 1, 2, kag 3.
Pahayag ni Limaco nga padayon ang ila nga monitoring sa ashfall kag nagapakig-angot man sila sa mga local government units.