Magadeploy sang 120 ka mga kapulisan ang Bacolod City Police Office nga dedicated lamang para sa Semana Santa.
Suno kay Police Col. Eugene Rebadomia, City Director sang Bacolod City Police Office, magadeploy sila sang mga kapulisan agud nga magbantay sa mga main convergence areas sa tion sang Semana Santa.
Siling pa ni Rebadomia, ang mga police nga ideploy ang magluwas pa sa mga police nga nakaduty na nga daan.
Suno diri, magabutang man sila sang police assistance desk sa mga simbahan, terminals kag ports.
May yara sang ideploy para sa police assistance desk kag may yara man sang mga kapulisan nga magapatigayon sang foot patrol.
Nakadeklarar naman ang Police Regional Office Negros Island Region sang full alert para sa Semana Santa.
Panawagan sang City Director sa tanan nga mga pumuluyo nga kun may yara sang laktan seguruhon nga nakasirado ang puluy-an.
Dugang pa sini nga panawagan nga indi na magdala sang mga malahalon nga pagkabutang.
Ginpahayag man ni Rebadomia nga may yara sang 25 ka bag-o nga police officers gikan sa regional office nga i-augment para sa dugang nga deploy agud magpatuman sang seguridad sa holyweek sa ciudad sang Bacolod.
Nagpanugyan man ang city director nga magsunod sa mga ginapatuman nga checkpoints sa ciudad para sa seguridad sang tanan.
Source: Bombo Radyo Bacolod