Isang bangkay ang natagpuan sa isang mababaw na hukay sa Ogahong Valencia, Negros Oriental bandang 6:20 ng gabi ng July 19, 2022.
Kinilala ang biktima na si Maribel Bella Glazier y Subteniente, 32 taong gulang at residente ng Sto Rosario Heights, Junob, Dumaguete City.
Ayon sa inisyal na imbestigasyon ng kapulisan, lumalabas na nawawala ang biktima mula pa noong Hulyo 15, 2022. Matapos ang ilang araw na paghahanap, ito ay naiulat na natagpuan na wala ng buhay at nakabaon sa isang mababaw na hukay na mayroong humigit-kumulang isang talampakan ang lalim sa kanilang sariling lupain sa nasabing address.
Hinahanap na ngayon ng pulisya ang isang posibleng “Person of Interest” na siyang kanyang estranged husband na kinilalang si Daniel Lawrence Glazier, 55 taong gulang at isang American citizen.
Nasa state of decomposition na ang bangkay at nakahimlay sa Eterna funeral homes.
Patuloy naman na iniimbestigahan ng kapulisan ang posibleng motibo sa krimen.